ABSALOM

ABSALOM beteken “pa van vrede”. Hy was die derde seun van Dawid* by Maäka, ’n dogter van koning Talmai van Gesur (2 Sam 3:3). Hy is in Hebron* gebore en het op ’n vroeë ouderdom na Jerusalem* gekom, waar hy die grootste deel van sy lewe deurgebring het. Hy het in ballingskap gegaan in Gesur, nadat hy vir Amnon* vermoor het wat Tamar2* verkrag het (2 Sam 13:23-39). Ná ’n komplot verklaar hy homself tot koning en Dawid moes uit Jerusalem vlug. Absalom is uiteindelik deur Joab* en sy wapendraers gedood na nóg ’n opstand teen Dawid (2 Sam 18:1-17). Die nuus van Absalom se dood het Dawid hewig ontstel, sodat hy herhaaldelik uitgeroep het: “My seun, Absalom, my seun, my seun” (2 Sam 18:33).

A Daniels

Sidebar