MASORETE

MASORETE. Masoreet is afgelei van ’n Aramese* woord wat “bewaar” beteken. Dit verwys na persone wat die teks van die He­breeuse* Bybel moes bewaar. Oorspronklik is hierdie tekste sonder vokale geskryf. By Jabne* is die teks van die Hebreeuse Bybel (in 100 nC) finaal vasgestel. Hierdie teks het toe bekend gestaan as die Masoretiese teks. Dit is in die Ben Asjer- en Ben Naftali-rabbynse skole oorgelewer. Om te verseker dat die korrekte uitspraak van woorde behoue gebly het, is sisteme van vokaaltekens later ontwikkel. Die Tiberynse sisteem kom in die Biblia Hebraica Stuttgartensia voor (wat normaalweg deur predikante gebruik word), en omvat naas die vokale ook op­merkings in die kantlyn.

Sidebar