NASARENER

NASARENER. Twee Griekse* vorms (Na­za­renos, Nazoraios) van “Nasarener” kom net in die Evangelies* en Handelinge* voor. In Hand 24:5 dui dit Jesus* se volgelinge aan. Behalwe in Hand 24:5 en Matt 2:23 kom dit altyd voor in “Jesus van Nasaret”, en identifiseer Jesus dus as afkomstig van Nasaret* (Matt 26:71). Matt 2:23 sien Jesus se verblyf in Nasaret as vervulling van die profete* se uitspraak dat Hy “Nasarener (Na­zoraios) genoem word”. Tog verwys die Ou-Testamentiese* profesieë nêrens na Nasaret nie. Die verwysing na “profete” (meer­voud) is waarskynlik doelbewus aangesien daar nie na ’n spesifieke aanhaling verwys kan word nie. ’n Toespeling op Rig 13:5, 7 (Simson* as Nasireër*) is nie baie waarskynlik nie, aangesien Jesus nie as nasireër opgetree het nie. Dit kan wel op Jes 11:1 dui waar die Messias* as ’n loot (netser in Hebreeus*) aangedui word.

 

Sidebar