TSHATSHU, DYANI (JAN)

TSHATSHU, DYANI (JAN) (circa 1791–1831) was ’n lid van die Xhosa*-koningsge­slag. Sy pa was een van die eerste hoofmanne wat wit sendelinge* uitgenooi het om tussen sy mense te kom woon en werk. Daar is min oor Tshatshu se grootwordjare bekend, behalwe dat hy volgens sy eie ge­tuie­nis een van die eerste be­keerlinge uit die Xho­sa­volk was. Weens sy ywer en liefde vir God se saak, het Tshatshu be­trok­ke geraak by die vestiging van drie sending­aksies, te wete dié van die London Missionary So­ciety (LMS)*, die Scot­tish Mission en die Wes­leyan Mission. Dit is te verstane dat John Phillip*, die destydse superinten­dent van die LMS, hom in Engeland voorgehou het as ’n skitterende voorbeeld van ’n Xhosa-Christen. Tshatshu was Engels mag­tig, en is deur menige sendeling as tolk gebruik.

Tshatshu kon egter nie sy oë sluit vir die wandade wat die Britse owerheid en die sendelinge teen sy eie mense gepleeg het nie. Vir hom het Christen-wees nie beteken hy moet bloot gaaf wees teenoor witmense nie, maar dat hy geregtigheid* en versoe­ning* moet nastreef. Hierdie oortuiging het hom uiteindelik verskeurd gelaat, sodat hy die tragiese slagoffer van verdeelde lojali­teite geword het. Hy het saam met die an­der Xhosas onder die koloniale bewind gely, maar terselfdertyd gepreek uit die Bybel* wat saam met koloniale oorheersing gekom het. Tshatshu het op die ou end egter wel getoon dat ’n mens ’n getroue getuie vir God kan wees en die integriteit van die evangelie* kan handhaaf ten spyte van sendelinge wat self nie aan die eise van die evangelie gehoor gegee het nie.

 

Sidebar